http://www.arabicpoems.com/home/poet_page/3570.html?ptid=1
لما يكون جو قلبك
لما يكون جو قلبك هم و بطلعة
والاحساس المدفون
تحت
جفنك وبتدمعه
ونهر حزن فيه كل نقطة بتوجعك
وقلبك اتعرى بره صدرك وبترجعه
وصوت وحيد بيزعق
محتاج احب
مليون رد فى نفس الوقت
مش قادر احب
انسان ضعيف جوا الدنيا
مكتوب عليه يمشى جو خياله
صابه العمى وسط الطريق
فجأه لقى نفسه غريق
بيمد ايده لصوت قلبه
اللى مصبره بمستقبل جديد
مش بدور عليك
عشان انا
ماشى على رجليه
مفيش فى جيبى فلوس
ولا فى اديه
ولا عمرى بصيت حوليه
لحاجة مش هتطولها عنية
ولا راسى هتترفع ليه
وتوجعنى
من قلة المطاطية
فكرت ابعد عنك
واغنيلك من بعيد
لقيت بعدك
دا حاجة مستحيلة
ومش اكيد
هلل ... يا مصرى
كام صوت بينادى
قال ايه واحشاهم قوة ايدك
دا غريب وغريب مش عارف
بعد ما نهبوا خيرك
وراحوا لغيرك
رجعين تانى يحلفو بيك
فاكرين الكلمة مش ليك
اشرح لك
كلمه و لبلادى
عيش دنيتك
وارفع اديك
ورأيك خليه ليك
لايتحسب عليك
مشى على طول
من غير ما تقول
ولا هما يقولو
ان الديمقراطية حل القضية
ماخلاص حددولك الحرية
وهى هى
إدوك صلاحية تمارسها
لكن حسب الشرعية
وبكل فعلية
هى صورية
حسين فيها بالامية
والمسألة
مش بالاغلبية
دا قانون للرفاهية
غمى عنيك وصقف ليا
ومتخفش عليا
انا مالى جيبك بتمن القضية
ومريح دماغى
كنت الاول بحلم بيك
وعشانك عشت وحبيت
شوفت الدنيا بتضحك ليك
قلت خلاص انا حبيت
مشيت بقلبى وبصيت
وقلت كل حاجة باينه فى عنيك
فضلت احكيلك عن حبى
وادارى عنك شوق قلبى
وابعد بعيد واخبى
واقول فى بالى
انتى اللى فى قلبى
واسهر اعيش فى وهمك
وسنين وليالى متحمل
واصحى اقول بحبك
واحساسى يرجع ويعتبك
واندم على كل لحظة
عاشها قلبى فى حبك
وارجع تانى اعاتب
نفسى على غلطة
فى يوم هزت قلبى
شوية كلام يقلقوا المنام
كنا اتنين تيهين فى الدنيا
عشنا الدنيا زى ما هى
يوم نمشى على هواها
ويوم هى تمشى على هوانا
بس الدنيا مش مريحنا
تعمل فينا مهما تعمل
تلعب بينا
تشدنا مرة
وتصدنا مره
وفى الاخر ترمينا بره
وشويه برده ترجعنا
وتحسسنا بأحلامنا
وتسهرنا فى ايامنا
وترجع تانى تضيعنا
بتوهنا مع التيهين
وتعقلنا
ساعة الحين
وتفهمنا
واحنا مش فاهمين
وتشوشنا
من حين لحين
وتعرفنا اننا مخلوقين
من طين
وتقولنا دا انتوا بنى ادمين
وفى الاخر
تقولنا اديكوا عايشين
مع العايشين
وبتمشو ورا الماشين
وتقولنا اجروا ورايا
واوعاك
يوم تبص فى مرايا
اصل المرايا هى اصل الحكاية
زى الدنيا ملهاش اخر
يوم تتطلعك السماء
ويوم تنزلك الارض
يوم تقولك يا جميل
ويوم تانى تقلك غور من وشى يا طخين
ويوم تقولك ما تطلعش من البيت
انتا شكلك النهارده خسيت
ويوم ما تطلع من البيت
تمشى تبص
حوليك
بتفكر الناس
بتقول ايه
عليك
وانتا ولا حد واخد باله منك
وبكلام المرايا
انتا مش عارف
تعيش سنك
عبدالحميد عيسى البدوى
